Vetëm 7 kilometra nga Gjirokastra, fshati Andon Poçi, thuajse po shuhet dhe shkolla e mbetur pa fëmijë është mbyllur tanimë. Dikur numëronte mbi 120 nxënës, tani shkolla 9-vjeçare nuk ka asnjë vogëlush që të ulet në banka.
Banori më i ri i fshatit është 65 vjeç, ndërsa pjesa tjetër janë të moshuar mbi 70 vjeç që jetojnë vetëm dhe punojnë tokat për të siguruar jetesën.
Mes tyre është edhe Nasho Shituni, ish-mësues i shkollës së fshatit, i cili ka dhënë mësim për 20 vite. Në moshën 85-vjeçare, ai thotë se e dhemb pamja e godinës së braktisur ku dikur gumëzhinin zërat e fëmijëve. “Shkolla ka qenë e rregullt, me nxënës të mirë dhe prindër të përkushtuar. Më vjen keq ta shoh kështu sot”, shprehet ai me mall. “Na merr malli të dëgjojmë një zë fëmije”, thonë banorët.
