Kryeministri Edi Rama mblodhi sot ne Shkoder te gjithe kryebashkiaket e vendit ne prani te disa ministrave te qeverise ne nje takim pune. Sipas deklaratave te z. Rama para gazetareve, ky takim pune ishte qe gjithesecili te realizoje detyrat e tij te shtepise dhe u realizua ne formen e nderveprimit e bashkebisedimit. Risia e ketij takimi qe u kthye ne nje lajm mediatik ishte pjesmarrja e 6 kryebashkiakeve te se djathtes, atij te Memaliajt, Kavajes, Mirdites, Fushearrezit, Pukes e Hasit.
Pavaresisht daulleve politike te Tiranes qendrore, luftrave shterpe mediatike me flakadane ne sallen e parlamentit, pavaresisht xhuvelizmave e gjekmarizmave te Tiranes, pavaresisht nongratave e progratave, keta kryebashkiake te se djathtas deshmuan sot seriozitetin politik te funksionit qe ata jane vote-besuar.
Kjo 6-she e djathte ne takimin e sotem tregoi se ata nuk kane frike te perballen me kryesocialistin veshur me pushtetin e kryeministrit. Ata ishin te vetmit ne takimin e Shkodres qe e shikonin Ramen ne sy pa u intimiduar nga forca e pushtetit total, ndryshe nga 55 kryebashkiaket e tjere te PS-se te cilet ngjanin si nxenesit e bindur qe kishin ardhur ne ate takim para mesuesit ku ne raste te tilla te mungosh eshte e pafalshme dhe te kushtezon karrieren.
Guximi i sotem i kesaj 6-she i tregoi elektoratit te djathte se pavaresisht percarjeve artificiale, me vullnetin e mire dhe pak guxim politik, perballja me kryeministrin e pushtetshem nuk ka nevoje per politiken milionere te studiove mediatike te Tiranes, por ka nevoje per argumenta, sinqeritet e krenari politike. Sot, keta 6 kryebashkiake treguan krenarine dhe guximin e tyre politik, ku pavaresisht se komplet te zhveshur nga mbrojtja politike e partise “nene” e copetuar, ata erdhen mes “strofulles” se armikut te tyre politik dhe nuk paten frike te flasin si te barabarte me ta duke kerkuar ate qe u takon ne baze te ligjit: fonde per bashkite e tyre.
Sot, keta kryebashkiake te ketyre bashkive te vogla e ndoshta te quajtura periferike, ne kete takim vendosen themelet nga ku duhet te ndertohet e djathta moderne. Ata sot krijuan frymen e re politike te se djathtes, nje fryme pa komplekse inferioriteti perballe Edi Rames, “gogolit” te kupoles mediatike te se djathtes ne Tiranen qendrore. Ata sot u perballen me Ramen dhe fituan, ata sot u perballen me komplekset e inferioritetit te shume-liderve te djathte dhe fituan, u perballen me interesat personale te kupoles se djathte e fituan, ata sot u perballen me kryebashkiaket e partise socialiste prezente ne takim dhe po ashtu fituan.
Sot heroizmi politik nuk erdhi nga salla e parlamentit apo zyrat milionere te Tiranes por erdhi nga demokratet e periferise. Ata sot treguan heroizem politik, pasi ti kerkosh kryeministrit te gjithepushtetshem ate qe te takon, sot ne kete faze te realitetit politik shqiptar eshte heroizem ne vete. Nga sot mbetet per tu pare nqse fryma e re dhe filozofia politike moderne e ketyre kryebashkiakeve te periferise do te vleresohet nga kupola e partise se tyre “nene” per te ndertuar nje fryme te re popullore apo e djathta do te vazhdoje e percare dhe me komplekse inferioriteti perballe Edi Rames
