Boksieri shqiptar, Besar Nimani, i cili u vra mbrëmjen e së shtunës në Gjermani, në qytetin Bielefeld, është përcjellë këtë të enjte për në banesën e fundit. 38-vjeçari shqiptar është varrosur ditën e sotme në varrezat e qytetit Bielefeld në Gjermani. Nga pamjet shihet se të shumtë kanë qenë ata persona të cilët kanë marrë pjesë në ceremoninë mortore ku dhe i kanë dhënë lamtumirën e tyre Besar Nimanit.
PAMJE NGA VARRIMI
PAMJE NGA VARRIMI
PAMJE NGA VARRIMI
PAMJE NGA VARRIMI
Vrasja e Nimanit është ende nën hetim, ndërsa Policia ka identifikuar tashmë 2 autorët e vrasjes së ish-boksierit shqiptar, Ayman Dawoud Kirit dhe Hüseyin Akkurt.
Boksieri shqiptar nga Kosova, Besar Nimani është ekzekutuar me 8 plumba në qytetin e Biefeldit në Gjermani. Lajmin për vdekjen e boksierit e ka konfirmuar edhe vëllai i tij, Berat Nimani, përmes një postimi në rrjete sociale. Autorët e krimit gjithmonë sipas informacioneve të nius.de, me të kryer krimin kanë ikur me skuter në një drejtim të panjohur.
Mesa duket Besar Nimani kishte shkelur në qarqe të gabuara. I riu ishte arratisur nga Kosova për në Gjermanime prindërit në moshën 12-vjeçare, ku edhe kishte arritur që të integrohej mirë falë sportit. Si amator, ai fitoi 87 nga 98 luftime, kohë kur edhe u njoh kampionin botëror të WBO, Marco Huck (39). Si profesionist, ai ishte pothuajse i pathyeshëm, ishte një kampion ndërkombëtar i pamposhtur në IBF, si dhe kampion i Evropës në peshën e mesme të lehtë humbi vetëm një herë në karrierën e tij profesionale.
