Kjo është ura që do të lidhë ambientet e reja të Byrosë Kombëtare të Hetimit (BKH) me ato të Prokurorisë Speciale (SPAK), e cila është ende në ndërtim. Së fundmi, gazetarja Anila Hoxha raportoi për ngritjen e një force operacionale brenda BKH, e cila do të ketë kapacitetin të vëzhgojë dhe të infiltron hetime ‘undercover’. Ky është një plan i SPAK për të fuqizuar hetuesit e BKH, me synimin për pavarësi të plotë nga Policia e Shtetit, nga e cila vazhdojnë të mbështeten që në krijim.
Ky detaj është theksuar në raportimin vjetor të SPAK, ku propozimet vijnë pas ankesave për dekonspirim dhe tradhti që kanë ndodhur gjatë aksioneve të dështuar. Prokuroria e posaçme ka deklaruar se ngritja e një njësie të tillë do të kufizojë mundësitë e rrjedhjes së informacionit gjatë hetimeve dhe do të zhvillojë një dimension të ri të kapaciteteve hetimore.
Me hapjen e Byrosë sipas modelit të FBI-së amerikane, BKH ka marrë në dorë përgjimet dhe, së fundmi, njësinë parandaluese, ndonëse njësia e vlerësimit të riskut ende nuk është funksionale. Të gjitha zyrat e marrjes në pyetje janë pajisur me sisteme kamerash dhe regjistrimi audio për të garantuar monitorimin dhe dokumentimin e plotë gjatë pyetjeve ndaj deklaruesve dhe dëshmitarëve.
