Për herë të parë, Shqipëria dhe Italia kanë organizuar një mbledhje të përbashkët të qeverive të tyre, ku janë firmosur 16 marrëveshje bashkëpunimi. Kryeministrja italiane Giorgia Meloni e konsideroi kombin shqiptar si një pjesë të familjes europiane, ndërsa homologu i saj shqiptar, Edi Rama, shprehu gatishmërinë për të përmbushur çdo kërkesë nga Italia. Mbledhja u zhvillua në Romë pa përkthim, duke pasur si gjuhë zyrtare italishten.
Marrëveshjet që u firmosën përfshinin një partneritet strategjik dhe 15 të tjera në fusha si mbrojtja, siguria, infrastruktura dhe shëndetësia. Kryeministrat e dy vendeve e përshkruan këtë ngjarje si një moment historik, me mesazhe të forta për marrëdhëniet strategjike mes Shqipërisë dhe Italisë.
Takimi i Romës do të pasohet nga një tjetër tryezë e përbashkët, që do të fokusohet në “Korridorin 8”, një projekt me rëndësi për të dy vendet.
Ngjarja përfundoi me një atmosferë simbolike dhe një përqafim të ngrohtë mes dy liderëve, që sinjalizoi një faqe të re në bashkëpunimin e tyre. Kjo mbledhje theksoi thellimin e marrëdhënieve mes Shqipërisë dhe Italisë, duke e bërë të qartë se vendet fqinje janë të angazhuara për të forcuar dhe zgjeruar bashkëpunimin në një gammë të gjerë fushash.
