TIRANA- Sot është zhvilluar seanca e parë plenare pas mbajtjes së zgjedhjeve parlamentare të 11 majit. Kjo seancë ka zgjatur rreth 20 minuta teksa nuk kanë munguar tensionet mes mazhorancës dhe opozitës.
Kreu i Grupit Parlamentar të Partisë Demokratike Gazment Bardhi dhe kryedemokrati Sali Berisha akuzuan socialistë për të cilët thanë se janë në shërbim të krimit duke iu referuar konkretisht zgjedhjeve të 11 majit.
Ndërkohë, kërkesa e Partisë Demokratike për një orë debat jashtë rendit të ditës, u rrëzua me votën e mazhorancës. Mëposhtë paraqiten disa momente nga takimet e deputetëve në ambientet e jashtme të Kuvendit ku duket se nuk kanë munguar as përshëndetjet me kundërshtarët.
