SHKODËR- Katër KZAZ-të në Shkodër, kanë pezulluar numërimin e votave në orën 20:00 për shkak të ndeshjes finale të “Final 4”, Vllaznia-Egnatia, e cila do të përcaktojë edhe skuadrën kampione të Shqipërisë. Siç shihet edhe në foton e mëposhtme, vendi ku numërohen votat është bosh dhe nuk ka asnjë person.
Aktualisht në Shkodër janë numëruar 300 kuti nga 406 gjithsej. Koalicioni “PD-ASHM” kryeson garën me 28506 vota ose 40.4%. E dyta vjen PS me 25608 vota ose 36.3%.
Ndërkohë mbrëmjen e sotme pas 24 vitesh, Vllaznia ka mundësinë të shpallet kampione sonte, ndërkohë që Egnatia do të kërkojë të mbrojë titullin e fituar sezonin e shkuar.
