TIRANA- Ish-ministri i Shëndetësisë Ilir Beqaj ka mbërritur më parë në ambientet e Kuvendit teksa mbetet në pritej që të thirret në sallën ku zhvillohet mbledhja e Komisionit hetimor të Shëndetësisë për të dhënë dëshminë e tij. Në momentin e mbërritjes ditën e sotme, Beqaj është parë të dalë nga automjeti, i rrethuar nga shoqëruesit, me duar të prangosura, por të mbuluara nga lart me një xhup, teksa mbante dhe një çantë.
Beqaj pritet të japë dëshminë e tij lidhur me 2 koncesionet, atë të sterilizimit dhe të check up-it. Ai është nën hetim nga SPAK për dy dosje, të sterilizimit dhe një për abuzim me fondet e SASPAK. Ditën e hënë dëshmoi për 5 orë në komision biznesmeni Ilir Rrapaj i cili mbërriti me pranga në Kuvend. Rrapaj mohoi lidhjet miqësore me ish-drejtuesit Ilir Beqaj dhe ish-zv. ministrin Klodjan Rjepaj.
Galeria fotografike (
1 / 6
)
