VENECIA- Festimet e dasmës së Jeff Bezos dhe Lauren Sánchez kanë nisur zyrtarisht me një festë mirëseardhjeje me plot personazhe të famshëm.
Kim Kardashian, Kylie Jenner, Oprah Winfrey dhe të tjerë, u larguan nga hotelet e tyre luksoze në Venecia të Italisë të enjten për t’u bashkuar me miliarderin dhe nusen e tij të ardhshme në kishën Madonna dell’Orto për një festë para martesës.
Kjo është dasma për të cilën të gjithë po flasin për shkak se aktivistët kanë protestuar kundër këtij eventi, me postera dhe banderola “Nuk ka hapësirë për Bezosin” të ngjitura në të gjithë qytetin. Por si përfundim eventi tre-ditor do të mbahet dhe lista e të ftuarve përfshin qindra personazhe të famshëm.
