GREQI- Artiola Meksi, një 23-vjeçare shqiptare në Greqi është raportuar e humbur prej pesë ditësh. Sipas policisë e reja ka humbur kontaktet me familjen që prej datës 11 Shtator në zonë e Harilaou në Selanik. Policia e Selaniku në një njoftim zyrtar jep të dhënat e saj duke theksuar se e reja është e gjatë 1.60 m, peshë normale, flokë të zeza dhe sy të gjelbër.
Në njoftim theksohet se 23-vjeçarja ishte e veshur me një bluzë rozë dhe pantallona të shkurtra xhins si dhe ka një tatuazh në krahun e majtë, një flutur. Sipas një njoftimi të “Buzëqeshja e Fëmijës” mund të ketë arsye që e vënë në rrezik jetën e saj.
“Kushdo që ka ndonjë informacion është i lutur të kontaktojë “Buzëqeshja e Fëmijës” në telefon 24 orë në ditë, në “Linjën Kombëtare për të Rriturit e Humbur – 1017”, në të gjitha Drejtoritë e Policisë në vend si dhe përmes aplikacionit Missing Alert ku ka informacione të drejtpërdrejta për zhdukjen”, thuhet në njoftim.
