DURRËS- Personat që shihni në foto janë 28-vjeçari, Ardit Domi dhe 27-vjeçari Lorenc Çali. Dy të rinjtë gjatë natës krijuan skena të filmave aksion pasi qëlluan në drejtim të efektivëve të policisë për ti shpëtuar arrestimit.
Ata me një automjet të vjedhur në Durrës kanë grabitur me dhunë një karburant në Sukth. Aventura e tyre sapo kishte nisur pasi policia i identifikoi dhe nisi ndjekjen e tyre. Gjatë ndjekjes makina e të rinjve ka dalë nga rruga. Gjatë kësaj kohe ata kanë hapur zjarr ndaj efektivëve.
Pasi efektivët arritën ti ndalonin dhe i rrethinin ata për më shumë se 20 minuta refuzuan të dorëzoheshin. Polica mëpas ndërhyri dhe transportoi Domin në spital ndërsa Çali u vu në pranga. Mësohet se të dy të rinjtë janë të apasionuar pas makinave dhe palestrës. Mesa duket fiziku i tyre i formuar nga ushtimet nuk i ndihmuan dot t’iu shpëtonin efektivëe.
