Gjergj Luca biznesmeni kontravers që shfaqet në publik me videot e tij duke predikuar moral dhe duke këshilluar herë politikën dhe herë njerëzit e thjeshtë që të punojnë ndershëm, rezulton si një person me të shkuar kriminale dhe i përfshirë në trafik droge.
Luca, personi që ka futur në dorë disa nga pronat shtetërore dhe mbi to ka ndërtuar bizneset e tij më disa qytete të Shqipërisë, ku fton për dreka dhe darka hoxhallarë e priftërinj, gazetarë e biznesmenë të ndryshëm dhe luan rolin e njeriut të ndershëm pranë tyre dhe atë punëtorit, nuk është as më pak dhe as më shumë por ortaku në biznes dhe trafik i Pëllumb Gjokës që u arrestua nga policia shqiptarë në kuadër të operacionit “Metamorfoza”.
Portali Timoni.al ka siguruar një dosje raport konfidencial të policisë së Lezhës ku në të cilin thuhet se biznesmeni Gjergj Luca është i përfshirë në trafik droge sëbashku me Pëllumb Gjokën. Në dokumentin e parë me numër protokolli 411 të prokolluar nga Drejtoria e Përgjithshme e Policisë së shtetit raportohet i gjithë aktiviteti kriminal i Gjergj Lucës.
Në raport thuhet eksaktësisht se banda e Pëllumb Gjokës dhe e Gjergj Lucës është kampione e trafikut të drogës, jo vetëm në e Ballkanit ku e trafikojnë bashkë, por në Evropë dhe më gjerë. Sipas disa bashkëpunëtorëve të tyre, ai ka trafikuar drogë deri në Afganistan, Hollandë e në shumë vende të tjera të Azisë, Evropës e Ballkanit.
Portali Timoni.al do të hedh dritë ditë pas ditë dhe kohë pas kohe për të nxjerr në dritë fytyrën e vërtetë të bisnezmenit Gjergj Luca. Në dosjen e policisë së shtetit që shumë shpejtë do përfundoj në SPAK raportohet për një sërë veprash kriminale të kryera nga Gjergj Luca dhe bashkpunëtorët e tij me në krye Pëllumb Gjokën.
Po cilat janë disa nga veprat penale që ka kryer Gjergj Luca për tu pasuruar kaq shumë?
Policia e Lezhës në në dosjen që ia ka referuar Drejtorisë së Përgjithshme të Policisë në Tiranë pohon për aktivitetin kriminal të Gjergj Lucës ku përfshihet trafikim droge dhe zaptim pronash shtetërore më forcë kryesisht në brigjet e disa lagunave por më shumë aktiviteti i tij ka qenë i përqendruar në Shëngjin.
Në dokumentin e policisë së Lezhës që mban numrin e protokollit A/161, uniformat blu që kanë ndjekur të gjithë aktivitetin kriminal të “biznesmenit të peshkut” shprehen të tronditur nga banda mafioze kriminale e Gjergj Lucës. Ata raportojnë se për të marr informacion më të zgjeruar rreth aktivitetit të bandës kriminale të Lucës, kanë bashkëvepruar edhe drejtorinë vendore të shërbimit informativ në Lezhë.
Në dosje poashtu thuhet se Gjergji Luca ka një licensë të vjetër peshkimi dhe gjuetie. Ai sëbashku me bandën e tij ka bllokuar thuajse të gjithë bregdetin dhe lagunat e Shqipërisë. Në krye të çdo lagune mban kriminel të sprovuar që ushtrojnë dhunë e terror mbi njerëz të thjeshtë që hedhin grepin rrjeta për të peshkuar në sasi të vogla ose duke peshkuar të argëtim.
Raporti i policisë së Lezhës po ashtu thotë se në tregëtinë e peshkut që Luca kryen jashtë Shqipërisë në vende si Italia, Greqia, Maqedonia e Veriut dhe Mal i zi, ka tregëtuar edhe sasi të mëdha droge që sjellin fitime në miliarda lekë. Dokumenti thotë se disa punonjës së policisë së Lezhës janë kërcënuar nga Gjergj Luca dhe nga bandat e tij.
Sipas këtij raporti në fjalë Luca i peshkut në bashkëpunim me ish-komunën Shëngjin (Njësia Administrative Shëngjin), bashkëpunim edhe më punonjës së Hipotekës dhe Kadastrës së Lezhës, gjykatës dhe prokurorë dhe vihët në lëvizje për të grabitur 20 mijë metra katrorë tokë ( kënetë që mban ujë gjithë vitin prej dekadash ) në lagjen “Sahe” të Shëngjinit të një fshatari të quajtur Gjergj Luka, i cili zotëronte tapitë e vjetra të kësaj prone dhe kishte saktësuar kufinjtë e pronës me një vendim gjykate.
Në fund të raportit thuhet së Luca kur shkon në komisariatin e policisë së Lezhës u bën presion punonjësve të policisë dhe në formë urdhërore u thotë ” Ngrihu në këmbë, shteti jam une, jo ju. Kini kujdes se ju heq kapelen dhe ju jap hakun. Ju e dini kush jam unë”- thuet në fund të raportit të policisë së lezhës. Për më shumë lexo dokumentat e raportit më poshtë.
Dokumentet ekskluzive të portalit Timoni.al: Lexo raportin e plotë
