TIRANA- Personi në foto është 34-vjeçari Arenc Stafa, i cili u plagos në atentatin e mbrëmjes së shkuar në zonën e Lundrës në Tiranë. Stafa ishte shoferi i automjetit “G-Class” që shoqëronte 3 të rinjtë që ktheheshin nga festa e ditëlindjes së 11-vjeçarit Dior Demiraj.
Nga ky atentat mbetën të plagosur shoferi i automjetit Arenc Stafa 34-vjeç, Kian Mullahi 19-vjeç, dhe dy të miturit Dior Demiraj 11 dhe Marko Demiraj 17-vjeç. Sipas informacioneve, dyshohet se autorët mund të kenë ngatërruar objektiv dhe se ky atentat mund të ketë lidhje me atentatin po të ditës së djeshme në Lezhë.
Gjithashtu sipas informacioneve, se shënjestër e atentatit nuk kanë qenë 4 të rinjtë, por në të vërtetë plumbat ishin nisur për gruan e Roan Brahimit të cilit pasditen e djeshme iu ekzekutua i ati në Lezhë. Nga ana tjetë, 34-vjeçari Arenc Stafa në dëshminë e tij ka thënë se nuk kanë pasur asnjë konflikt dhe se po ktheheshin në shtëpi pasi kanë qenë në një festë.
