Brooklyn Beckham dhe Nicola Peltz i kanë dhënë fund beqarisë. Ata kanë kurorëzuar dashurinë e tyre në martesë. Djali i David dhe Victoria Beckham dhe vajza e milionerit, Nelson Peltz dhe ish-modeles Claudia Heffner, u betuan për dashuri të përjetshme në vilën luksoze Palm Beach në pronësi të familjes së nuses.
Ndërsa babai i dhëndrit ishte shumë i emocionuar, i buzëqeshur dhe i veshur smoking. Mamaja Brooklyn u fotografua teksa ecte dorë për dore me bashkëshortin e saj, ku shfaqej shumë seksi, elegante, me një fustan të gjatë argjendi.
Teksa paparacët nuk arritën të realizonin shumë foto nga kjo dasmë luksoze prej 3.5 milionë dollarë, kanë qenë vetë nusja dhe dhëndri që kanë ndarë me ndjekësit më shumë imazhe nga dita e tyre e madhe.
Këtë të hënë, çifti më i komentuar i momentit në showbiz-in botëror ka vendosur që të postojë disa nga fotografitë më të bukura, të shkrepura nga fotografi britanik i “Vogue”, German Larkin”.
Ndërkohë mes të ftuarve nuk ka kaluar pa u vënë re tenistja Serena Williams, e cila u shfaq me fustanin e saj të bukur çiklamin, ndërsa Venus Williams dukej vezulluese në të zeza. Aktorja Eva Longoria është shfaqur joshëse dhe provokuese me një fustan të zi me një dekolte të thellë.
Aty ishte edhe Gordon Ramsay, një mik i ngushtë i familjes Beckham, i shoqëruar nga bashkëshortja e tij Tana. Harry dhe Meghan Markle munguan në këtë ceremoni dhe nuk u përfshinë as në listën e të ftuarve, sipas burimeve (për besnikëri ndaj William dhe Kate, sipas asaj që përflitet).
Shumë pak foto janë realizuar nga paparacët për bashkëshortët e rinj. Në fotot pas perdeve duket vetëm silueta e Nicola-S me vello në kokë dhe Brooklyn-in duke qëndruar përballë saj. Momenti i po-së ishte shumë emocionues, por ajo që do të vijë më pas me siguri do të jetë më shumë.
