Këngëtarja e famshme, Rita Ora, ishte e ftuar në festën e organizuar nga revista “Vanity Fair” në kuadër të mbrëmjes së çmimeve “Oscars”, e cila u zhvillua këtë vit në Qendrën “Wallis Annenberg” për Artet Performuese në Beverly Hills.
Pamjes së saj, Rita i kishte shtuar mantel dramatik të bardhë, i cili e bënte të dukej edhe më tërheqëse. Flokët e interpretueses së hitit “Poison” ishin të ndara në njërën anë dhe të stiluara në kaçurrela të rrjedhshme në anën tjetër. Ajo i kishte bërë flokët me valë të lehta ndërsa tregonte vathët e saj prej gurëve smeraldi.
Ora ishte e shoqëruar nga partneri i saj, regjisori 46-vjeçar Taika Waititi, i cili dukej gjithashtu elegant i veshur me një kostum të hirtë.
Madje një moment që u komentua shumë nga të gjithë ishte fakti që Waititi u ul që t’i rregullonte fustanin të dashurës, që të dilte sa më bukur në foto.
