Protestuesit të cilët kanë rreth një orë që protestojnë para ministrisë së Brendshme për vdekjen e Lear Kurtit, kanë ndezur flakadanë para ministrisë së drejtuar nga Bledi Çuçi, ndërsa në duar mbanin pankarta të shumta ku kërkonin dorëheqjen e këtij të fundit.
Më pas ndezën qirinj në shkallët e Ministrisë dhe mbajtën një minutë heshtje në nder të 32 vjeçarit Lear Kurti.
“Policët që dhunuan të riun, të dënohen sipas ligjit. Kërkojmë llogari për dikë që u vra padrejtësisht. Ne nuk do tërhiqemi, nuk do të dorëzohemi”, u shprehën protestuesit.
