Ish-kryeministri Sali Berisha shkoi në zyrën e kryedemokratit Lulzim Basha nuk ishte i vetëm. Atë veç deputetëve mbështetës e shoqëronin dhe militantët e thekur ku spikaste mbi gjitha Sali Lusha. Por brenda zyrës së Bashës ka pasur edhe militantë të thekur që nuk kanë ngurruar që të ulen në karrigen e Bashës dhe ti vendosin këmbët sipër tavolinës.
“Mes gjithë atyre librave ishte edhe një tabelë shumëzimi që e kishte mbuluar pluhuri”, ka shkuar ai në rrjetet sociale Arbër Kola, i cili njihet si mbështetës i Berishës, por kohët e fundit ka qenë tejet aktiv në protestat kundër rritjes së çmimeve.
Një incident tjetër ndodhi ndërkohë gjatë konferencës së Alibeajt, pasi Berisha ishte larguar nga selia e PD-së së bashku me mbështetësit e tij.
Një grua, anëtar e PD-së, mbante në duar teserën e partisë dhe ulëriste pikërisht në momentin kur Alibeaj deklaroi se PD nuk kishte vend për një person non-grata. Madje ajo tentoi të hynte në sallën e konfererencave.
“Në emër të Birit, të Atit dhe Shpirtit të Shenjtë nuk mund të më pengoni të bërtas këtu”, tha ajo teksa bërtiste “mos më prek!”, “mos më prek!”.
“Kam vënë këmbën aty që fëmijë dhe kjo është shtëpia e lirisë. Nuk ka tradhtarë, ka vetëm shqiptarë dhe emigrantë që punojnë për Shqipërinë. Mos më tregoni se çfarë dua të bëj se po luftojmë për jetë a vdekje”, tha ajo. Ndërsa sekretarit të Përgjithshëm, Gazment Bardhi është munduar që ta qetësojë gruan e irrituar që thoshte se jam në Shtëpinë e Lirisë.
