Hetimi për ish-kryebashkiakun e Durrësit, Vangjush Dako, i cili u arrestua ditën e sotme me urdhër të SPAK, ka nisur pas kallëzimit penal që shihni në dokumentet e mëposhtëm.
Bëhet fjalë për një kallëzim nga 15 banorët e pallatit nr.8 në lagjen 5 të Durrësit, që u dëmtuar nga tërmeti i 26 nëntorit 2019.
Në kallëzim janë denoncuar disa ish funksionarë të Bashkisë Durrës dhe struktura të subjekteve private që përmes korrupsionit kanë lejuar që një pallat, të cilit iu dha leja vetëm për 10 kate, janë ndërtuar 14 kate si dhe i janë shtuar garazhde.
Në të përfshihen 10 akuza mes tyre shpërdorim detyre, ndërtim pa leje, korrupsion aktiv dhe pasiv, tortura, grup i strukturuar kriminal. Mes të tjerash Vangjush Dako dhe zyrtarët e tjerë akuzoheshin për vrasje në rrethana cilësuese, e mbetur në tentativë.
Mes personave të kallëzuar në dokumentin e firmosur nga më shumë se 15 banorë është dhe emri i kryetares aktuale të Bashkisë, Emiriana Sako.
Leja për ndërtimin e pallatit është dhënë në shtator të vitit 2011. Ndërsa Dako ka dhënë leje për ndërtimin e 4 kateve shtesë të pallatit.
