Gjykata e Posaçme nisi pyetjen e dëshmitarëve të SPAK në procesin ndaj kryebashkiakut të zgjedhur të Himarës, Alfred Beleri.
Dëshmitari i parë në radhë, është Arsen Rama, që kishte mbuluar kokën me kapuç që të mos identifikohej. Ai është personi që pranoi të bashkëpunojë me drejtësinë, për veprimet e simuluara, duke dokumentuar bisedat për shitblerje votash para zgjedhjeve të 14 majit.
Me kërkesë të prokurores së çështjes, pyetja e Arsen Ramës, do të zhvillohet me dyer të mbyllura. Sipas prokurores së SPAK, Dorina Bekjo, dëshmitari Rama dhe familjarë të tij janë kanosur pas arrestimit të Belerit.
