Me lot dhe dhimbje të madhe mesditën e sotme janë përcjellë për në banesën e fundit, babai dhe dy djemtë që u mbytën dje në plazhin e Vilë Bashtovës në Kavajë.
Elvis Halilaj 50 vjeç dhe dy djemtë e tij të mitur 13 dhe 16 vjeç humbën jetën tragjikisht. Ceremonia mortore në nderim të tyre u mbajt rreth orës 13:00 në Tiranë.
Një ditë pas tragjedisë policia arrestoi Pëllumb Nikën 34 vjeç, banues në Tiranë, i cili është administratori që menaxhonte pjesën e plazhit ku ndodhi tragjedia në Kavajë.
Në plazh mungonin kullat e vrojtimit si dhe rojet bregdetare, që mund të kishin shpëtuar jetën e 3 pushuesve.
