Shefqet Hasa rreth 55 vjeç ka ndërruar jetë, pasi u qëllua me armë zjarri nga Maliq Marku 70-vjeç mesditën e sotme në Kamëz. Viktima punonte si shofer në linjën e Kamzës. Nga plumbat mbeti i plagosur edhe Besim Keça, rreth 50 vjeç. Debati mes fqinjvë kishte nisur për shkak të kanalit të ujërave të zeza.
Këtë e konfirmoi edhe shefi i Komisariatit të policisë në Kamëz. “Nuk kanë pasur konflikte më parë. Motivi është për konflikte të dobëta, një kanalizim të ujërave të zeza. Të tre janë në një lagje. Autori akoma nuk është pyetur. Armën e kishte pa leje. Autori u kap në banesë. Konflikti ka qenë i çastit” tha ai.
