Një ditë më parë 36-vjeçarit Arbër Muça iu sekuestrua pasuria me kërkesë të prokurorisë Fierit, pasi dyshohet se e ka vënë nga aktiviteti kriminal.
Me firmë të gjykatës së Fierit dhe kërkesë të prokurorisë së këtij qytetit iu sekuestruan mijëra ha tokë, apartament, vendparkim, 13 makina dhe llogari bankare, pasuri në total me vlerë rreth 1.8 milion euro.
Arbër Muçës i sekuestrohet pasuria me vlerë rreth 1.8 milion euro pasi ai dyshohet se është i përfshirë në veprimtari kriminale në fushën e trafikimit të lëndëve narkotike dhe veprimeve të kryera për të mbuluar origjinën reale të pasurive në zotërim të drejtpërdrejte apo të tërthortë.
Atij i sekuestrohen 2 ara, 13 makina mes tyre Ferrari dhe Lamborghini , 3 dyqane, 3 troje, 1 apartament, 1 parkim, llogari bankare me vlerë rreth 120 mijë euro dhe sende të tjera të çmuara me vlera të konsiderueshme.
Gjithashtu gjatë kontrollit u sekuestruan dhe një orë të markës Rolex dhe një automjet i tipit “Ferrari” me vlerë rreth 130 000 euro.
