Mesa duket abuzimet e shumta në tendera dhe kapja mat në disa raste nga mediat e këtyre abuzimeve, ka sjellë dhe reagimin e organeve ligjzbatuese në vënd të cilat kanë përgatitur një dosje dhe janë gati për arrestimin e bashkiakut të Librazhdit Kastriot Gurra.
Dhe të vënë në djeni të këtij fakti, drejtuesit e Partisë Socialiste në Librazhd me në krye Damian Gjiknurin, kanë nxituar të nxjerrin një tjetër emër për kandidat në zgjedhjet e 14 Majit. Bëhet fjalë për Ermal Kurtin, aktualisht drejtor i FSDKSH, i rritur në Librazhd dhe i shkolluar në Tiranë.
Kurti vjen si një kandidat për bashkinë Librazhd, si njw djalë i pa përfolur në të kaluarën për ndonjë abuzim apo shkelje ne detyrat e mbajtura më herët. Dritën jeshile për kandidimin Kurti e ka marrë drejpërtrejt nga Damian Gjiknuri këtë të dielë teksa i është thënë të nisë fushatën.
Ky vendim i drejtuesit politik të qarkut Elbasan Damian Gjiknuri duket se ka gjetur edhe mbështetje të gjërë mes socialistëve të Librazhdit që prej disa vitesh ishin shkëputur nga partia për shkak të pëplasjeve me Kastriot Gurrën.
Bashkë me stafin e tij, Ermal Kurti është vënë në lëvizje duke nisur takimet me qytetarët cka e ka pasqyruar pa hezituar edhe në rrjetet sociale.
Në mbështetje të Kurtit në këto takime nuk kanë munguar drejtues të tjerë të socialistëve në Librazhd që kanë shoqëruar kandidatin nëpër takimet e para elektorale.
