TIRANA- Ish-futbollisti i Kombëtares Shqiptare të Futbollit, Igli Allmuça ka bërë një postim në rrjetet sociale ku denoncon publikisht ngritjen e një ndërtese ngjitur me banesën e tij në lagjen “Ali Demi” duke shpërndarë edhe disa foto.
Allmuça tregon sesi një firmë ndërtimi e cila ngre një pallat ngjitur me banesën e tij, i ka bllokuar dy dritare. Në postimin e detajuar në profilin e tij në Facebook, ish-futbollisti ka treguar se së bashku me familjarër prej 8 muajsh jetojnë me këtë stres duke paralajmëruar se do ta ndjekë çështjen në rrugë ligjore.
Ai shprehet se në një nga këto dritare është dhoma e fëmijëve të tij të cilën e ka pasqyruar edhe me video. Allmuça thotë po ashtu se nuk e di se si është marrë kjo leje dhe shprehet i habitur ashtu si çdokush që e ka parë, sipas tij ndërtimin që po bëhet.
Gjithashtu ai ngre pikëpyetjen se ku janë bazuar inspektorët që kanë shkuar në terren për të verifikuar dhe kanë dalë në konkluzionin që nuk cënohet prona e tjetrit.
POSTIMI:
Dua të pasqyroj ketë situatë që po ndodh ngjitur me shtëpin time në lagjen Ali Demi.Në këto foto që kam hedhur,një firmë ndërtimi ka marë leje kallkan 0 metër me shtëpin time duke më bllokuar dy dritare,dy dritaret e tjera në foto janë të pronarëve të tjerë.Në një nga këto dritare është dhoma e femijëve të mi,te cilën e kam pasqyruar në video.Kjo shtëpi ëshë ndërtuar rreth vitit 1920,ku ka jetuar stërgjyshi, gjyshi,babai im dhe së fundmi unë me familjen time bashkë me prindërit.Me themelet,muret,çatin dhe forma e dritareve të pandryshuera,thjesht pas viteve 90 kemi ndërruar çatin e vjetër me të renë,dritaret e vjetra me të rejat,suvatimet lyrjet.
Unë se di ku janë bazuar njerëzit kopetent(inspektorë apo drejtora) qe kanë ardhur në terren për të verifikuar dhe kanë dalë në konkluzion që nuk cënohet prona e tjetrit.Kjo që shihni në foto nuk quhet cënim,por në menyrë figurative ‘përdhunim’ i pronës së tjetrit,sepse është e padrejtë që të jesh rehat në shtëpin tënde dhe një ditë të bukur vjen dikush dhe të ven betonin tek dritaret e ta bën atë dhomë si burg.Si familje kemi gati 8 muaj me stresin e ksaj gjëje.Bashk me babain tim do bëjmë të gjitha përpjekjet ligjore për të drejtën deri në fund në të gjitha institucionet shtetërore.
Së fundi kam dicka për këtë ndërtues apo dhe nqs ka ndonjë ortak apo mentor që e ndihmon dhe i jep fetva(them nqs se vetëm emri këtij ndërtuesi figuron në leje).Unë se di si është marrë kjo leje dhe jam i habitur ashtu si çdokush që e ka parë dhe besoj çdokush që do e shofi.Padrejtësin ndaj tjetrit nuk e lanë as haxhi e as vepër tjetër.Nqs me drejtësin e ZOTIT kjo ështëe drejt,jeni shumë të nderuar dhe u lartesofshi.Nqs kjo quhet Padrejtësi,jeni shumë të ulët e Zoti ju turpëroft e ju poshteroft publikisht,e ju ardhtë hakut me bela pas belaje.Do jeni në Duat e familjes time nga femijët e deri tek prindërit e mi.
