Dy ditë pasi u mor në pyetje nga prokurorët në SPAK, socialisti Jurgis Çyrbja ka dorëzuar mandatin e deputetit.
Vendimi për t’i dhënë fund detyrës si ligjvënës është konfirmuar nga vetë Çyrbja.
Të martën Çyrbja u paraqit në dyert e SPAK rreth orës 10:00 të paradites dhe për 5 orët në vijim dha deklarime para organit të akuzës në lidhje me një kallëzim të bërë nga Edi Paloka, gjatë kohës që deputeti mbante pozicionin e kreut të Hipotekës së Durrësit.
Tani vendin e tij në parlament për muajt që kanë mbetur nga përfundimi i kësaj legjislature do ta zërë Erjon Meka, që është kandidati i radhës në listën e qarkut të Durrësit.
