Bota e futbollit në zi! Cesar Menotti, ish-trajneri kampion bote me Argjentinën në vitin 1978, është ndarë nga jeta në moshën 85-vjeçare.
Menoti udhëhoqi kombëtaren bardhekaltër drejt suksesit të parë në Kupën e Botës të fituar në shtëpi.
Lajmin e hidhur e bëri publike Federata Argjentinase e Futbollit në një deklaratë zyrtare:
“Federata Argjentinase e Futbollit shpreh me keqardhje dhe pikëllim të madh për vdekjen e César Luis Menottit, drejtor aktual i ekipeve kombëtare argjentinase dhe ish-trajner kampion bote. Lamtumirë i dashur Flaco!”.
Veçse karrierës si trajner, Menotti, njihet edhe si një futbollist shumë i suksesshëm. Menotti, një ish-sulmues, luajti në Argjentinë me Rosario Central, Racing Club, Boca Juniors. Ai më vonë iu bashkua New York Generals përpara se të luante për Santos dhe Juventus në Brazil.
Menotti drejtoi gjithsej 16 skuadra të ndryshme gjatë karrierës së tij duke përfshirë klube si Barcelona dhe Atletico Madrid, si dhe menaxhimin e ekipit kombëtar meksikan.
