Euro po vijon të rritet. Sipas kursit të publikuar nga Banka e Shqipërisë, valuta europiane po këmbehet mesatarisht për 105.09 lekë.
Në krahasim me një ditë më parë euro është forcuar me 0.76 pikë. Në shitje euro po këmbehet për 105.71 lekë, ndërsa po blihet për 104.55 lekë.
Gjatë kësaj jave euro është kthyer sipër nivelit të 105 lekëve për herë të parë që nga fundi i muajit korrik. Bashkë me euron janë forcuar edhe valutat e tjera dollari apo paundi.
Dollari amerikan u këmbye sot me 96.2 lekë, në rritje me 1.65 lekë që nga fundi i javës së kaluar. Paundi britanik u këmbye me 122.72 lekë, në rritje me 2.7 lekë që nga fundi i javës së kaluar.
