DURRËS- Përdorimi i fëmijëve në fushatë zgjedhore apo ekspozimi i tyre për propagandë shkel të drejtat e tyre dhe ligjin. Por kjo duket se nuk e shqetëson ose nuk i bën përshtypje kryebashkiakes së Durrësit, Emiriana Sakos.
Në një sërë postimesh të saj në rrjetet sociale nga takimet elektorale me kandidatë socialistë për deputetë në qarkun e Durrësit, Sako ka ndarë vazhdimisht foto me fëmijë.
Sako ka ndarë vazhdimisht foto me fëmijë.
Në postimet e saj nuk kanë munguar edhe komentet nga qytetarët, të cilët duket se janë më të informuar mbi ligjin se vetë Sako.
“Të shfrytëzosh fëmijët për fushatë, është shkelje ligji…”,shkruan një nga komentuesit.
Ligji i Shqipërisë për të drejtat e fëmijëve përcakton që pjesëmarrja e të rinjve nën 14 vjeç në debate publike dhe programe audio-vizuale “duhet të bëhet vetëm me miratimin e prindërve ose kujdestarit të tyre”.
