Elvis Pupa i bëri njerëzit të mendojnë që do të futet në “Big Brother VIP Albania”.
Aktori, i cili jeton prej kohësh në SHBA, pyeti ndjekësit se ku do të kishin dëshirë ta shihnin. “Ku do kishit qejf të më shihnit tani afër, jo në rol, po live, kështu ‘si natyra më krijoi’,” tha ai.
“Te marketi i lagjes? Në autobusin e Unazës? Apo në ndonjë reality shoë?” ishin opsionet e tij. “Më thoni, që t’ju them.”
Si përfundim? Për momentin, është e paqartë.
Emri tjetër që po përflitet prej disa ditësh, është Eriola Doci, por ditën e sotme dyshimet janë shtuar edhe më shumë. Gazetari Bledi Mane, deklaroi gjatë një interviste se “njëra nga hyrjet e reja në shtëpi do trazojë ujërat dhe do të zërë vendin e Kejvinës sa i takon provokimeve.”
Bledi nuk dha një emër konkret, por tha se bëhet fjalë për dikë që punon në “E Diell”, si Erjola, dhe shtoi se është një banore që “i duhet shtëpisë.”
