Epokës së artë të Helmut Marko i erdhi fundi, pasi drejtuesi austriak njoftoi lamtumirën nga Red Bull pas më shumë se 20 vitesh, vetëm disa ditë pas mbylljes së kampionatit të Formula 1, ku Max Verstappen u afrua shumë titullit të tij të pestë radhazi.
Vendimi u formalizua pas një takimi me Shefin Ekzekutiv Oliver Mintzlaff, duke e sjellë largimin e Marko një vit më pranë, ndonëse kontrata e tij skadonte në 2026. Pas këtij zhvillimi, u zbulua se shkak për këtë lëvizje ishin disa vendime të njëanshme nga ana e Marko, që kishin dëmtuar marrëdhëniet e tij me skudërinë në Milton Keynes. Një nga këto vendime ishte shkarkimi i Christian Horner, një zgjedhje që kishte pasoja të konsiderueshme financiare për ekipin.
Një tjetër vendim i diskutueshëm ishte promovimi i Arvid Lindblad në skuadrën Racing Bulls, i cili la Yuki Tsunoda pa makinë, për pasojat e kalimit të Isack Hadjar te Red Bull. Gjatë verës, Marko vendosi të nënshkruajë me Alex Dunne pas largimit të tij nga Mercedes, një manovër që ngjalli kritika nga drejtuesit e skuadrës, të cilët kërkuan menjëherë që ai të anulonte kontratën, duke i detyruar skuderinë të paguante qindra mijëra dollarë pilotit irlandez.
Megjithëse largimi i Marko sjell pasiguri, Max Verstappen duket se është pika më e fortë e skuadrës, me sigurinë për të qëndruar në Milton Keynes deri në vitin 2028. Holandezi do të përfitojë nga evolucioni i makinave të reja duke nisur nga viti i ardhshëm, me shpresën për të fituar titullin e tij të pestë botëror dhe për të shërbyer si pikënisje për rikthimin e Red Bull në majat e Formulës 1.
