Michael Schumacher, legjenda e Formula 1 dhe 7 herë kampion bote, kryeson listën e pilotëve më të paguar në historinë e këtij sporti, sipas “Racing News 365”. Pasuria neto e tij arrin në rreth 790 milion dollarë (më shumë se 670 milion euro). Gjatë karrierës, Schumacher regjistron 91 fitore dhe një numër të barabartë titujsh botërorë. Megjithatë, pas aksidentit të tij me ski në Alpet Franceze në dhjetor të 2013-s, gjendja e tij shëndetësore ka mbetur e panjohur për publikun.
Pas Schumacher, në vendin e dytë sipas pagave është Lewis Hamilton, gjithashtu 7 herë kampion bote, me një pasuri prej 304 milion dollarësh (më shumë se 258 milion euro). Në vendin e tretë renditet Fernando Alonso, tani pilot i Aston Martin dhe dy herë kampion bote, me një pasuri të akumuluar prej 264 milion dollarësh (më shumë se 224 milion euro). Këta tre pilotë përfaqësojnë jo vetëm suksesin në pistë, por edhe aftësitë e tyre për të shfrytëzuar mundësitë financiare që ofron ky sport tërheqës.
