Pas largimit të Christian Horner nga skuadra e Red Bull, emri i tij është lidhur me disa skuadra të tjera në Botërorin e Formula 1. Së fundi, ai ka shprehur interes për të investuar në skuadrën Alpine, një informacion që është konfirmuar nga vetë Alpine në një komunikatë.
Në këtë komunikatë, Alpine njoftoi se Horner është një nga blerësit e mundshëm të skuderisë, së bashku me një grup investitorësh. Horner u shkarkua nga Red Bull në korrik të 2025, duke përfunduar një karrierë 20-vjeçare me skuadrën, gjatë së cilës shënoi 8 tituj botërorë për pilotë.
Këtë vit, Alpine planifikon të përdorë motorët Mercedes në përputhje me rregullat e reja të Formula 1, pas një viti të vështirë ku u rendit në vendin e fundit për konstruktorët. Testet e para parasezonale për Formula 1 do të fillojnë të hënën në Barcelonë, duke hapur kështu një periudhë të re për skuadrën.
