Një aksident i rëndë ka ndodhur të premten në autostradën Kanetsu, në Gunma të Japonisë, duke përfshirë mbi 50 automjete. Sipas informacioneve nga autoritetet lokale, një person ka humbur jetën, ndërsa 26 të tjerë janë plagosur në këtë përplasje zinxhir.
Pamje të publikuara në rrjetet sociale tregojnë re tymi dhe automjete të përfshira nga flakët, duke krijuar një skenë kaotike. Ekipet e emergjencës dhe zjarrfikësit kanë intervenuar menjëherë për të ndihmuar të lënduarit dhe për të shuar zjarret.
Autoritetet japoneze kanë nisur hetimet për të zbardhur shkaqet e aksidentit, dhe qarkullimi në këtë segment të autostradës është ndërprerë përkohësisht. Në orët në vijim pritet të dalin më shumë detaje mbi situatën dhe gjendjen e të plagosurve po monitorohet nga shërbimet mjekësore.
