Në takimin e kreut të PD, Sali Berisha në Kavajë, ku prezantoi kandidatët për PDASHM, mori fjalën edhe kryetari i bashkisë së Kavajës Fisnik Qosja.
Qosja hodhi akuza për qeverisjen e Edi Ramës ku u shpreh se çdo votë për PS është votë kundër Shqipërisë dhe PD është ndritur në këmbë për një fillim të ri.
Fisnik Qosja:
Mirëmbrëma Kavaja ime! Sonte këtu në qendër të Kavajës, nuk po bëjëm thjesht një miting për fushatë, por po ndezim një zjarr shprese. Kavaja ka ditur gjithmonë të lexojë drejtë ëndrrat e shqiptarëve dhe ka ditur gjithmonë t’i përbij pa kërkuar asgjë në këmbim. Ky shesh i mbushur plot me burra të mençur e plot guxim e me gra të forta me vlera të rralla, me të rinjë plot pasion e dashuri për Shqipërinë duket se është epiqendra e një zgjimi të ri politik.
Kavaja sonte është magjepsëse. Na keni ngrohur shpirtin e na keni dhënë zemrën për të bërë gjithçka për fitoren e 11 majit. Miq unë sonte nuk jam kryetari i bashkisë së Kavajës, jam njëri prej jush, biri i kësaj toke të bekuar nga Zoti. E bekuar me histori, me bukuri natyrore dhe me njerëz të mrekullueshëm që kanë dhënë shumë, që kanë vuajtur shumë e që meritojnë akoma edhe më shumë. Jam një njeri që e don qytetin e tij, një kavajs që ka vendos të rris fëmijët e tij në këtë qytet dhe që e kam ndarë mendjen që do të jetojë deri në fund të ditëve të tij.
Këta i hoqën Kavajës gjithçka, institucionet, bregdetin dhe dinjitetin. Këta që duan ta shpopullojnë. Shqipëria është një vend i bekuar nga Zoti dhe sot në epokën e komunikimit këto janë një pasuri e ofertës tonë turistike. Qeveria nuk ka bërë asgjë për turizmin. Në 10 vitet e fundit janë mbyllur 10 shkolla. Kjo quhet ikje, plakje dhe vdekje. Këta nuk e duan Shqipërinë dhe ndaj thirrja ime për sot është vota për PS është votë kundra Shqipërisë. Jemi ne PD dhe jemi të bindur se Shqipëria ka nevojë për një fillim të ri dhe jemi të gjithë në këmbë për këtë.
