TIRANË- Kryedemokrati Sali Berisha në konferencën e sotme u pyet nga gazetarët, nëse e kishte ndjekur finalen e Champions League mes Interit dhe PSG-së.
“Çështja e farsës elektorale është bërë shumë virale këto ditë. Si tifoz i francezëve, si e patë fitoren me 5 shifra të PSG-së ndaj Interit? U gëzuat?”, e pyeti gazetari.
Berisha tha shkurtimisht se ndeshjen vetë nuk e kishte ndjekur. Por shtoi se kryeministri Edi Rama ndoqi ndeshjen ku biletat sipas tij shkojnë tek 30-40 mijë euro.
Gjithashtu tha se Rama doli edhe me Nusretin e 1 mijë dollarëve biftekun. Ndërsa e cilësoi si “sheik”, kreu i PD-së tha se Rama po shijon “krimet elektorale”.
“Është një periudhë ku interesi im për futbollin ka rënë në minimum. Kështu e kam unë. Unë e dua futbollin, por sipas mënyrës time. Nuk them se e pashë (finalen e Chl).
Tani ju donit të më thoni mua, se Edi Rama thuhet se me çarter dhe me bileta që shkojnë tek 30-40 mijë euro, ndoqi ndeshjen dhe doli me Nusretin e 1 mijë dollarëve biftekun. Sigurisht si sheik, shijon krimet e tij, krimet monstruoze elektoral që ka bërë.”, u shpreh Berisha.
