Një rast alarmant ka dalë në dritë në lagjen “Ali Demi”, ku një fëmijë me çrregullime të spektrit autik dyshohet se është viktimë e dhunës së vazhdueshme nga nëna e tij. Pamjet e siguruara nga emisioni Fiks Fare tregojnë momentet e dhunës, ku fëmija përpiqet të mbrohet ndërsa nëna e godet dhe e shtrin përtokë. Një fqinj shprehet se ka denoncuar situatën disa herë pranë institucioneve competente, por pa asnjë reagim konkret, duke theksuar se nëna e fëmijës i është kërkuar të ofrojë dokumente të shumta pa marrë masë për të mbrojtur fëmijën.
Pamjet tregojnë qartë dhunën fizikë të ushtruar nga nëna, e cila i shkakton fëmijës lëndim në kokë dhe e lë të shtrirë, pa aftësi për t’u mbrojtur. Gazetarët, për të verifikuar situatën, janë përballur me refuzimin e nënës, e cila madje ishte agresive ndaj tyre. Disa pamje tregojnë fëmijën me shenja gjaku në fytyrë, duke bërë të qartë se gjendja e tij është alarmante.
Nëna e fëmijës ka pranuar se e ka dhunuar atë të paktën një herë, duke justifikuar veprimin e saj me vështirësitë që has në kujdesin për fëmijën dhe mungesën e mbështetjes. Ajo shpreh ndërkohë se nuk di si të veprojë dhe se ndihet e izoluar. Gjendja brenda shtëpisë është tejet alarmante, me mungesë higjiene dhe kushte minimale jetese. Fëmija, i shtrirë në një cep të dhomës, duket i braktisur dhe në nevojë urgjente për ndihmë.
Banorët e zonës kërkojnë ndërhyrje të menjëhershme nga autoritetet për të siguruar jetën e fëmijës. Ata theksojnë se, edhe pse fëmija mund të ketë sjellje agresive për shkak të gjendjes së tij, kjo nuk justifikon dhunën e ushtruar ndaj tij. Alarmi është i lartë për sigurinë e fëmijës, dhe banorët po bëjnë thirrje për veprime të shpejta për të parandaluar çdo formë dhune.
