Në kryeqytet, fundjavën e kaluar u zhvillua edicioni i parë i Festivalit Kombëtar Letrar “Nën dritën e fjalës”, i cili kishte si moto: “Çdo fjalë nga thellësia e shpirtit është një dritë e vogël që ndriçon një fillim të ri”.
Rreth 30 krijues nga vendi dhe trojet shqiptare morën pjesë, duke interpretuar poezitë e tyre në “Qendrën për Kulturë”, brenda ambienteve të Kishës Ortodokse. Festivalin e drejtoi një juria profesioniste e udhëhequr nga poeti dhe gazetari Preç Zogaj. Në përfundim, juria vendosi të shpallë fituese poeten nga Ferizaj, Blerta Tmava, e cila u vlerësua me çmimin e parë. Teuta Biçaku u shpall fituese e çmimit të dytë, ndërsa vendi i tretë iku për poeten Silva Anagnosti.
Ky festival, i cili e ka poezinë në qendër të aktiviteteve të tij, ka si qëllim të bëhet një ngjarje e përvitshme, duke u inkorporuar në kalendarin kulturor të vendit. Iniciativa shpreson të promovojë letërsinë dhe të ofrojë një platformë për talentet e reja në fushën e poezisë shqiptare.
Ky eveniment i ri ka dëshmuar angazhimin për ruajtjen dhe zhvillimin e kulturës letrare, ndërsa ofron një mundësi për artistët të shprehin vetveten në një ambient të mbështetur. Organizatorët shpresojnë se festivalet e ardhshme do të sjellin më shumë pjesëmarrës dhe ndihmojnë në ndriçimin e talentëve të rinj.
