Atletiko Madrit ka mposhtur me rezultatin 4-2 rivalët e tyre historik, Real Madrid duke i eliminuar këta të fundit nga Kupa e Mbretit. Një ndeshje që dhuroj plot gola dhe spektakel, ashtu sic i ka hije një derbi të vërtetë futbolli dhe që pa ekipin e Carlo Ancelottit të “gjunjëzoheshin” përpara atij të Diego Simeones. Në këtë mënyrë Atletiko merr hak kundër “Los Blancos” nga java e kaluar ku Reali arriti ti mund dhe ti eleminojë nga Superkupa e Spanjës.
Loja fillon me Atletikon në avantazh, ku në minutën e 39’ arriti të shënoj me brazilianin Samuel Lino, por kur të gjithë prisnin vërshellimën e albitrit për mbylljen e pjesës së parë, portieri vendas Oblak bën një gabim duke cuar topin në rrjetë pas një goditje denimi të ekzekutuar nga Luka Modric duke i cuar skuadrat në dhomat e zhveshjes me rezultatin e barabartë 1-1.
Golat nuk do mbaronin me kaq pasi në minutën e 57’, Morata do të dyfishonte shifrat për të tijet dhe përsëri Reali do mundte të barazonte në të 82’ minutë kur Joselu përfiton nga një krosim i Bellingham duke barazuar rezultatin në 2-2, rezltuat ky që do ta conte ndeshjen me kohë shtese pas perfundimit te 90 minutave.
Gjatë minutave shtesë mund të vihej re dukshem lodhja tek të dyja ekipet por ishin “Los Colconeros” që përfituan nga ky fakt dhe arritën të shënonin edhe 2 herë të tjera për të vulosur rezultatin 4-2 dhe eliminuar Realin e Madridit nga kompeticioni.
Shumë njerëz thonë se fitimi i një derbi është njësoj si fitimi i një finaleje dhe pikërisht këtë gjë bënë të besuarit e Diego Simeones sonte.
