Çdo 28 Nëntor, Londra përjeton një festë të veçantë nga komuniteti shqiptar. Mijëra shqiptarë janë mbledhur në Trafalgar Square për të nderuar Ditën e Pavarësisë. Festuesit, të ardhur nga shumë pika të kryeqytetit britanik, kishin si pikë takim këtë shesh të njohur, ku e përjetuan atmosferën e festës me makina luksoze dhe flamuj kombëtarë.
Ritmi i festës është shoqëruar nga muzikë patriotike, e cila është dëgjuar nga altoparlantët e makinave. Kjo ka shkaktuar bllokim të trafikut për disa orë, duke bërë që zona të jetë e mbushur me shqiptarë që festonin me entuziazëm.
Për sigurimin e rendit, policia Metropolitan ishte e pranishme me qindra efektivë, të angazhuar për të mbajtur qetësinë publike. Ata ishin përgjegjës për menaxhimin e situatës dhe për të larguar makinat që ishin kthyer në pengesa për traffikun në rrugët përreth.
Ky manifestim tregon forcën dhe bashkimin e komunitetit shqiptar në Londër. Këto festime çdo vit janë një mundësi për shqiptarët të shprehin identitetin e tyre kombëtar dhe shpirtin patriotik në një qytet të huaj.
