KORÇË-Fermerët e Korçës kanë dalë sërish në protestë, pasi prodhimet e tyre ka mbetur stok sepse nuk ka treg. Këtë të mërkurë ata kanë dalë sërish në rrugë duke kërkuar treg për prodhimet e tyre.
Gjatë fjalës së tyre ata shprehen se çmimet me të cilat duhet të shesin prodhimet janë tepër të ulëta. Sipas tyre me këto fitime nga shitja nuk nxjerrin as shpenzimet e tyre. Kjo nuk është hera e parë që kanë dalë protestë pasi ata kanë dalë edhe më parë në protestë ndërsa pati edhe gjoba ndaj tyre. Gjobat e vendosura ndaj tyre herën e kaluar nuk janë anuluar sikundër u deklarua dhe ata janë detyruar t’i paguajnë.
Fermerët edhe pse këtë herë nuk u lejuan nga policia të vendosin traktorët në rrugë si dhe të bllokojnë rrugën, shprehen se nuk do të ndalin protestat.
