Derbi i Stambollit në Superkupë ka përfunduar me triumfin e Fenerbahçes, e cila fitoi edicionin e vitit 2026 ndaj Galatasaray me rezultatin 2-0 në stadiumin Ataturk.
Një nga momentet kryesore të ndeshjes ishte debutimi i Matteo Guendouzi, blerjes së re nga Lazio. Futbollisti francez e shënoi golin e tij të parë me Fenerbahçen në minutën e 28, duke e çuar skuadrën në avantazh 1-0 në përfundim të pjesës së parë.
Në fillim të pjesës së dytë, Fenerbahçe u rrit më tej me golin e Oosterwolde, i cili shënoi në minutën e parë të pjesës së dytë, e duke e dërguar rezultatin në 2-0. Ky rezultat qëndroi i pandryshuar deri në fund të ndeshjes, duke e siguruar Fenerbahçes trofeun e Superkupës për herë të 10 në historinë e saj.
Kjo fitore shënon një moment të rëndësishëm për Fenerbahçen, e cila vazhdon të demonstrojë forcën e saj në futbollin turk.
