Tre shqiptarë janë ndaluar në Britaninë e Madhe nën akuzën e shpërndarjes së drogës, pasi u sekuestruan 203 kg kokainë. Sipas një njoftimi zyrtar të Agjencisë Kombëtare të Krimit (NCA), persona të përfshirë janë Njazmir Ograbati, 32 vjeç, Hajri Kapo, 35 vjeç, dhe Genti Tota, 32 vjeç. Të tre akuzohen për furnizim me drogë të klasit A.
Arrestimi i tyre u realizua javën e kaluar, kur oficerët e NCA-s, në partneritet me Policinë Metropolitane, zbuluan lëndën narcotike në një kamion në Dartford, Kent. Vlera e drogës e sekuestruar është rreth 17 milion paund.
Të arrestuarit u paraqitën në Gjykatën e Magjistraturës në Maidstone, ku u shqyrtuan masat e paraburgimit. Vendimi për ta u mor disa ditë më parë, dhe pritet që seanca e radhës të mbahet më 14 nëntor në Gjykatën e Kurorës në të njëjtin qytet. Ky rast ka tërhequr vëmendjen për shkak të sasisë së madhe të kokainës të sekuestruar dhe përfshirjes së shqiptarëve në këtë aktivitet kriminal.
