Familjarët e Daniel Shima, ish-zv.drejtor i Agjencisë Kombëtare të Shoqërisë së Informacionit (AKSHI), kanë paraqitur një kallëzim në Komisariatin nr. 1 në Tiranë për humbjen e kontakteve me të. Kallëzimi është bërë këtë të martë, me datën 20 gusht 2025, në orën 17:00, dhe ka ardhur nga nëna e tij, M. Sh., e cila ka shprehur shqetësimin për djalin e saj, shtetasin D. Sh., i cili është 34 vjeç.
Në njoftimin e policisë nuk jepen detaje të tjera mbi rrethanat e humbjes së kontakteve me D. Sh. Por, autoritetet e policisë kanë bërë me dije se po punohet për të zbardhur situatën dhe për gjetjen e tij.
Daniel Shima ka pasur një rol të rëndësishëm në AKSHI, i cili është një institucion që merret me zhvillimin dhe menaxhimin e sistemeve digjitale për administratën publike. Projketet e këtij institucioni përfshijnë ofrimin e shërbimeve online për qytetarët dhe bizneset, si dhe sigurinë e sistemit të informacionit publik.
Humbja e kontakteve me një figurë të tillë është një ngjarje që ka tërhequr vëmendjen e publikut, duke ngritur shqetësime për sigurinë dhe situatën e tij. Aktualisht, policia vazhdon hetimet për të gjetur D. Sh., ndërsa për familjarët e tij, ky moment është një periudhë e vështirë dhe e mbushur me pasiguri.
Kjo situatë vjen në një kohë kur AKSHI po përballet me sfida të ndryshme në menaxhimin e sistemeve të informacionit dhe sigurisë kibernetike, çka e bën edhe më të veçantë këtë rast. Ndërkohë, pritet që policia të japë më shumë informacion në lidhje me hetimet, ndërsa familjarët e Danie Shima mbeten në pritje për ndihmën e institucioneve dhe rikthimin e tij në shtëpi.
