Demokrati Tritan Shehu shprehet me shqetësim se “shoqëria njerëzore, ekzistenca e saj dhe familja, të bazuara mbi dy gjini, mashkull dhe femër, janë seriozisht të rrezikuara”. Sipas tij, ligji i propozuar nga qeveria, i njohur si ligji i Rilindjes, avancon njohjen e dhjetëra gjinive, një veprim që ai e sheh si kërcënim për bazamentin e shoqërisë.
Sot, grupi parlamentar i Partisë Demokratike (PD) dorëzoi një projektligj për të saktësuar se në Shqipëri njihen vetëm dy gjini, mashkull dhe femër, që përcaktohen që në lindje. Ky projektligj është dorëzuar në të kaluarën, por nuk u përfshi në punimet e Kuvendit për shkak të kundërshtimeve nga mazhoranca. PD e ripërsëriti këtë iniciativë për të theksuar rëndësinë e saj në një moment kur, sipas Shehut, po bëhet një përpjekje për të minuar thelbin e shoqërisë dhe familjes përmes ligjit mbi “barazinë gjinore”.
Kjo iniciativë ligjore, sipas Shehut, përfshin koncepte që e ngatërojnë gjininë me orientimin seksual, si LGBT, trans, etj., duke rrezikuar themelet e shoqërisë dhe identitetin e saj tradicional. Ai nënvizon se ligji hap rrugën për identitete të ndryshme, përfshirë ato jo gjinore dhe transgjinore, duke shkatërruar konceptin e standardit të familjes si një burre dhe një grua. Kjo, përshtatja e terma të rinj si “prindi 1, 2, 3” në vend të nënës dhe babait, do të dëmtonte thellësisht vlerat shoqërore shqiptare.
Shehu thekson se shoqëria dhe fëmijët janë nën kërcënim nga këto politika “gender”, që kërkojnë të fusin këto ide në shkolla nga grupet LGBT. Ai përfundon duke e cilësuar këtë si një, “tentativë djallezore të Rilindjes” që duhet ndaluar për të mirën e të gjithëve, dhe se projektligji i dorëzuar nga PD synon të bllokojë këtë “shkatërrim” të vlerave tradicionale.
