Real Madridi ka arritur një marrëveshje totale për transferimin e talentit 16-vjeçar të Ajaxit, Abdellah Ouazane, ka konfirmuar gazetari i njohur Fabrizio Romano.
Romano njoftoi marrëveshjen me shenjën e tij karakteristike ‘Here we go’, duke theksuar se transferimi është përfunduar dhe lojtari do t’i bashkohet Realit përpara sezonit 2025/26.
Mesfushori do të nënshkruajë një kontratë trevjeçare, maksimumi i lejuar për moshën e tij, dhe do të aktivizohet fillimisht me ekipin Castilla të Real Madridit.
Ouazane është një nga talentet më të mëdhenj të akademisë së Ajaxit dhe ka qenë kapiteni i Marokut U17, me të cilin fitoi Kupën e Kombeve të Afrikës dhe u shpall lojtari më i mirë i turneut.
https://www.facebook.com/plugins/post.php?href=https%3A%2F%2Fwww.facebook.com%2Ffabrizioromanoherewego%2Fposts%2Fpfbid0z3masWHUc5tErA7RnaDFVQQNNgh6cUTRi1FUW855KZPB1QxsMvdMuGbzu6UavGQJl&show_text=true&width=500
Ai ka luajtur për Ajax që nga viti 2016, pasi u zhvillua në klubin lokal Zeeburgia, por refuzoi disa oferta profesionale nga klubi holandez për t’u transferuar në Spanjë.
Bashkë me të, do të kalojë te Real Madridi edhe vëllai i tij më i madh, Zakaria Ouazane, i cili do të luajë për ekipin Real Madrid C.
Të dy vëllezërit do t’i bashkohen klubit pas skadimit të kontratave me Ajax në fund të qershorit 2025, si pjesë e strategjisë së Realit për të investuar në talentet më premtues të rinj.
