Chelsea ka siguruar kalimin në gjysmëfinalet e FA Cup pas një fitoreje bindëse 7-0 ndaj kundërshtarit të saj në çerekfinale, në një ndeshje të zhvilluar në Stamford Bridge. Skuadra e drejtuar nga Liam Rosenior e dha goditjen e parë që në fillim, duke shënuar tre gola brenda 45 minutave të para.
Ndeshja nisi fort për Chelsea, e cila zhbllokoi rezultatin menjëherë, në minutën e dytë, me golin e Jorrel Hato. Pjesa e parë vazhdoi me dominimin e londinezëve; në minutën e 25, Joao Pedro e çoi rezultatin në 2-0, ndërsa një autogol nga Laërence-Gabriel përfundoi me shifra 3-0 për Chelsea përpara se të mbyllej kjo gjysmë.
Në pjesën e dytë, Chelsea vazhdoi me këtë ritëm dominues, duke shënuar katër herë të tjera. Adarabioyo ishte ai që shënoi golin e katërt, pasuar nga Andrey Santos dhe Estevao, që e rritën diferencën në 6-0. Mbyllja e këtij festivali golash u realizua nga Alejandro Garnacho, i cili shfrytëzoi një 11-metërsh për të vulosur rezultatin përfundimtar 7-0.
Kjo fitore e madhe tregon forcën e Chelsea në kupat kombëtare, dhe përgatit ndeshjet e ardhshme të skuadrës në këtë sezon.
