Në mbrëmjen e ndeshjeve të fazës së grupit të Ligës së Europës, emocionet ishin të shumta, përmbysjet befasuese dhe disa skuadra konfirmuan ambiciet e tyre.
PAOK tregoi forcën e saj duke fituar bindshëm ndaj Young Boys me rezultatin 4-0, një mesazh i qartë për rivalët e saj. Në një ndeshje të paparashikueshme, Braga triumfoi ndaj Genk me një rezultat dramatik 4-3, që u vendos vetëm në minutën e fundit, një humbje e rëndë për belgët pas një ndeshjeje plot aksion.
AS Roma vazhdon formën e saj të mirë dhe shënoi një fitore të pastër 2-0 përballë Rangers, duke konsoliduar pozitat si një nga favoritët e këtij kompeticioni. Edhe Aston Villa arriti të sigurojë tri pikë, duke mposhtur Maccabi Tel Aviv me 2-1, ndërsa Stuttgart fitoi 2-0 kundër Feyenoord, duke rritur motivimin e skuadrës gjermane për ndeshjet e ardhshme.
Në takime të tjera, Ferencvaros mundi Ludogorets 3-1, ndërsa ndeshja mes Betis dhe Lyon përfundoi pa gola 0-0. Bologna sigurtoi një fitore minimale 1-0 përballë Brann, kurse Plzen dhe Fenerbahce ndanë pikët me një barazim 0-0.
Këto rezultate mbajnë gjallë garën në Ligën e Europës, ndërsa skuadrat vazhdojnë të konkurronin për një vend në fazat e mëtejshme të kompeticionit.
