Bayer Leverkusen-Atalanta është finalja e Europa League për sezonin 2023-2024.
Skuadra italiane siguroi finalen e parë europiane falë suksesit 3-0 ndaj Marseille (1-1 ndeshja e parë). Lookman, Ruggeri dhe Toure realizuan golat e fitores për ekipin e Gasperinit, që do të përballet në finalen e Dublinit përballë Bayer Leverkusenit të Granit Xhakës.
Sukses i jashtëzakonshëm dhe i merituar edhe për Berat Gjimshitin, kapitenin e kombëtares shqiptare, i cili realizoi një tjetër ndeshje të madhe.
Ndërkohë finalistja e tjetër, Leverkusen, u nda në barazim 2-2 kundër Romës, por rezultati i përgjithshëm ishte 4-2, duke bërë kështu që “Aspirinat” të marrin biletën tjetër të finales dhe të ndeshen ndaj Atalanta për trofeun e Europa League.
Roma shënoi dy penallti me Paredes, ndërsa Leverkusen shënoi me autogolin e Mancini dhe Stanisic në minutat e fundit të ndeshjes.
Finalja e Europa League luhet më 22 maj në stadiumin “Aviva” në Dublin, Irlandë.
