Turqia ka arritur të kualifikohet për finalen e EuroBasket-it për herë të parë pas 24 vitesh, duke u përballur me kampionin e Botës, Gjermaninë, për medaljen e artë. Ndeshja finale do të zhvillohet të dielën në Rīgë, ku Turqia siguroi vendin e saj në këtë ndeshje pas një fitoreje mbresëlënëse 94-68 ndaj Greqisë në gjysmëfinale. Nga ana tjetër, Gjermania ka arritur të kalojë Finlandën me rezultatin 98-86.
Greqia dhe Finlanda do të konkurrojnë për medaljen e bronztë, ndërsa finalja mes Turqisë dhe Gjermanisë pritet të jetë atraktive, duke marrë parasysh se asnjëra nga këto skuadra nuk ka humbur deri tani në turne. Të dyja ekipet hyjnë në ndeshjen e së dielës me bilanc të përsosur 8-0. Një fitore për ndonjërin do të bëj që ekipi të jetë vetëm kampioni i dytë i EuroBasket-it që mbyll turneun pa humbje, duke iu bashkuar Sllovenisë që e arriti këtë në vitin 2017.
Një nga faktorët kryesorë të fitores turke ishte Erxhan Osmani, i lindur në Tropojë, i cili shkëlqeu me 28 pikë në ndeshjen ndaj Greqisë, duke u bërë lojtari kyç i ekipit turk. Osmani, i cili kishte filluar karrierën e tij në Shqipëri, e vazhdoi atë në Kosovë për t’u transferuar më pas në Turqi. Ai është pjesë e kombëtares turke që nga viti 2022. Një tjetër lojtar shqiptar me ndikim në ekipin turk është Kenan Spahiu, një gjigant që filloi karrierën e tij sportive në Prishtinë.
Gjithashtu, Cedi Osman, një tjetër lojtar shqiptar nga Ohri, kontribuoi me 17 pikë në fitoren ndaj Greqisë. Prania e këtyre lojtarëve shqiptarë në ekipin turk tregon për ndikimin e rëndësishëm që ata kanë në këtë kompeticion dhe suksesin e Turqisë në EuroBasket.
Finalja pritet të sjellë emocion dhe përballje të fortë mes dy ekipeve, me shpresat e fansave që do të mbështesin ekipin e tyre deri në fund.
