Talenti shqiptar, Ernest Muçi, me paraqitjet e tij të shkëlqyera, ka tërhequr vëmendjen e shumë klubeve të mëdha Evropiane, e kërkojnë në Spanjë, por së fundmi emri i tij po qarkullon edhe në Premier Ligë. Muçi u shndërrua në makth për Aston Vilën në Ligën e Konferencës, në dy përballje kundër tyre, Muçi i realizoi tre gola, i fundit brenda në “Villa Park” ishte fantastik.
Sfida dyshe me ekipin anglez ishte një vitrinë e jashtëzakonshme për sulmuesin shqiptar, dhe ashtu siç pritej, emri i tij po ngjall interes edhe në ishull. Sipas Fabrizio Romano-s, ekspertit të merkatos, për sulmin e Legia-s ka shfaqur interesim ekipi i Fulhem. Në fakt, Fulhem ka shfaqur interesim edhe për Brojën, por kartoni i sulmuesit të Çelsit kushton minimalisht 30 milionë euro, ndërsa Muçi sipas “Transfermarkt” vlerësohet me 5 milionë euro.
E sigurt është që Legia është gati të futet në bisedime ndërsa shpresojnë që sulmuesi kuqezi të shndërrohet në transferimet më të shtrenjtë në historinë e klubit polak.
